2022

Pandeireteiros Cántigas e Frores sen texto

Fotografía de Nerea Coll

Fotografía de Inés Duport

Fotografía de Raquel Andrés

Nelu Vermouth

Arista multidisciplinar ou mamarracha profesional, Nelu Vermouth pretende nas suas creación xogar coa escoita social, desde o espazo sonoro, a expresión corporal, o autocoidado e o canto tradicional.Tenta crear atmosferas nas que público, performer e contexto sexan un so, pegandose cinco minutiños de dancing holístico no que meditar xuntas, como diría Sarah Kane, para ser perdoada, para ser amada, para ser libre.

Amor,

Cariño

E Paciencia

Pandeireteiros Cántigas e Frores

Un arruador grupo de voces masculinas que beben da máis fonda tradición da nosa cultura… e do mellor licor café. Ideais pra ‘ghastar sapato’.

Celeste González

«Oficialmente son Celeste dende maio de 2018, cando o Estado español me otorga un novo DNI co nome e o sexo mudados. O Estado español non admite que unha persoa teña un nome feminino se xa tiveras antes un masculino, nin unha identidade feminina se xa tiveras antes unha masculina, se antes non destrúe a partida de nacemento e crea unha nova antidata. O Estado non recoñece a disidencia de xénero. Polo que agora, según as autoridades, eu nacín muller e bautizáronme Celeste. Sendo así, como puido Celeste estudar no colexio dos Jesuítas? A conto de que chamárona para facer o servizo militar? Como puido ser que se mudara no vestiario de homes? E que fora partenaire, entre outras, da Plisetskaya? “Ti enganas porque parece que fas o que non fas”, díxome María de Ávila. Sería sempre unha impostora?».

Meiga-i

Meiga-i, a fantasía galega, presenta “A Drag Pandeireteira”. Un monólogo musical, unha historia de liberación, unha reivindicación da diversidade e a cultura propia.

Xosé Lois Romero & Aliboria

Eles / Elas. Uns dos grupos máis renovadores da música de raíz ibérica: cun coro increíble de 7 voces, moita percusión tradicional e mistura de ritmos folclóricos galegos arranxados con influencias latinoamericanas, armonizadores tribais e moito máis.

Fado Bicha

Fado Bicha – Lila (ela, she), João (ele/elu, he/they)- é un proxecto musical e activista ao mesmo tempo. Unha exploración dentro do universo do fado que supera as ríxidas barreiras de xénero do fado tradicional e crea narrativas para temas que aínda non tiñan expresión.

O Rabelo

El / Elu. Rap, música de raíz e reguetón dende Cerdedo, terra de montes. Roneo duro, raiba contida, tenrura salvaxe.

Catuxa Salom

Ela. Habitante do rural lucense, mitade nativo-arxentina, mitade galega. A súa proposta é unha fusión de ritmos tribais latinoamericanos con música en galego nun envoltorio electrónico.

CRNDS + Fransy González

Alberto Cernadas – El. É compositor, produtor e fundador do selo independente Lindisfarne. Preséntanos unha integración de elementos propios da música tradicional galega cunha linguaxe tímbrica da electrónica experimental.

Fransy González é unha das voces máis representativas da música tradicional de Galicia. Dende moi nova, formou parte do grupo de pandereteiras “Xiradela”, a raíz do cal creouse un grupo de investigación coa finalidade de recoller cantos tradicionais na comarca de Bergantiños. Este feito marca profundamente a traxectoria vital e profesional de Fransy, xa que accede directamente ás fontes: as informantes galegas nos anos 80. Desta forma leva a cabo unha intensa labor de recuperación e difusión do repertorio vocal tradicional. Ao longo da súa carreira, Fransy ten grabado e colaborado con artistas como Carlos Núñez, Dulce Pontes, Jordi Savall, Erik Marchand, Kepa Junkera e The Chieftains, entre outros. Actualmente, atópase presentando o seu proxecto máis recente, do que tamén forman parte Cibrán Seixo e Davide Salvado.